Շեշտը ոտքերի վրա․ ինչի հետ համադրել շորտերն այս ամառ

10/06/2021
Դիտումներ ֊ 372

Մինիի սեզոնը հայտարարում ենք բացված։ Մեր նյութում դուք կգտնեք շորտերով կերպարների գաղափարներ, որոնք մենք տեսնում ենք նորաձեւ բլոգերների մոտ: Վերնաշապիկով, բաճկոնով կամ ծաղկային պրինտով տոպով․ինչի հետ այս ամռանը համադրել շորտերը:

Բաճկոն եւ շորտեր. հիանալի տարբերակ է, թե ինչ կերպարով շոգին պետք է գնալ գրասենյակ։ Որպեսզի ձեր կերպարը գեղեցիկ լինի, ընտրեք մինչեւ ծնկները բերմուդներ։ Բաճկոնը կարող է լինել ինչպես շորտերի երանգի, այնպես էլ այլ գույնի: Կոշիկներից իդեալական համադրվում են սպիտակ սպորտային կոշիկները կամ փոքրիկ կրունկներով մյուլիները:

Լայն սպորտային շորտերը թույլ կտան ձեզ հարմարավետ զգալ շոգ եղանակին։ Ես, որպեսզի դուք մարզասրահ այցելելու լուք չունենաք, այն համադրեք տղամարդկանց ձեւվածքի դասական վերնաշապիկի հետ։ Վերնաշապիկը շքրտերի տակ դնել, կամ կոճակները կոճկել հարկավոր չէ։ Ընդհակառակը, ազատ արձակեք այն եւ կոճկեք միայն մի քանի կոճակ․ այդ կերպ դուք կընդգծեք կերպարի թեթեւությունը։ 

Ներշնչվեք արքայադուստր Դիանայի կերպարներից եւ այս ամառ համադրեք ոտքերն ընդգծող շորտերն ու սվիտշոտը։ Նման հանդերձանքով շատ հարմար է քայլել զով երեկոյան։ Կերպարն ամբողջացրեք սպիտակ բարձր գուլպաներով եւ զանգվածային սպորտային կոշիկներով, ինչպես նաեւ չենք մոռանում աքսեսուարների մասին: 

Ազատ շորտեր եւ թեթեւ վերնաշապիկ․ նորաձեւ հանդերձանքով կարող եք զբոսնել քաղաքում։ Որպեսզի կերպարը ծանրաբեռնված տեսք չունենա, դեկորի վրա շեշտ մի դրեք եւ ընտրեք հարմար կոշիկներ։ Նմանատիպ համադրությունը հիանալի կերպով կամբողջացնեն այս սեզոնին նորաձեւ սանդալները, կամ հաստ թելերով գործած ցածրակրունկները։ 

Հիանալի եղանակ, թե ինչպես կարելի է ոճային դարձնել ոտքերն ընդգծող շորտերի ու տոպի համադրությունը։ Այն կրեք տղամարդու ձեւվածքի ջինսե բաճկոնի հետ։  Լայն ու ազատ բաճկոնը կոնպենսացնում է զգեստի կիպությունը եւ կերպարը հարմարեցնում քաղաքին։

Ժամադրության համար շորտերը համադրեք ռոմանտիկ բլուզների եւ տոպերի հետ։ Գերազանց տարբերակ են ծաղկային պրինտով մոդելները, ծավալային, ալիքավոր կամ կապերով  թեւքերը։ Հանդերձանքը մի ծանրաբեռնեք բարձրակրունկներով, դրանց հետ քայլվածքը ավելի ծանր կլինի, եւ ոտքերը շատ ավելի արագ կհոգնեն: Իսկ սպիտակ կեդերը կամ սանդալները՝ ընդհակառակը, կընդգծեն ձեր կերպարի թեթեւությունն ու քնքշությունը։ 

Եթե ցանկանում եք շորտերը կրել բարձրակրունկներով, կոմպենսացրու այն ծավալուն, խիստ ոճի բաճկոնով։ Այն պետք է լինի բավականին խիտ, լավ պահի ձեւը եւ ունենա ընդգծված ուսեր։ Սա կօգնի համադրությունը տեսողական դարձնել ավելի թանկ, ինչպես նաեւ կերպարի հանդեպ վստահությունը կավելացնի +100-ով։

 

Աղբյուրը՝ Cosmo

 

Share