Կրծքով կերակրման առավելությունները․ 9 պատճառ ԿԿ-ից չհրաժարվելու համար

20/05/2021
Դիտումներ ֊ 367

Կրծքով կերակրման կարևորության մասին շատերն են լսել, սակայն այնուամենայնիվ շատ կանայք խուսափում են ԿԿ-ից՝ նախապատվությունը տալով արհեստական խառնուրդներին։ Մասնագետները հաճախ են շեշտում, որ մայրական կաթը լավագույն սնունդն է երեխայի համար կյանքի առաջին ամիսներին, մինչդեռ ոչ բոլորին է հայտնի թե ինչու է նորածնի համար առողջարար համարվում բացառապես մայրական կաթը։ 

Մասնագետները ներկայացրել են կրծքով կերակրման հիմնական առավելություններն ու նշել 9 պատճառ կրծքով կերակրումից չհրաժարվելու համար։

  • Առաջին հերթին մասնագետները շեշտում են, որ մայրական կաթը պարունակում է երեխային անհրաժեշտ բոլոր սննդարար նյութերը, որոնք նպաստում են փոքրիկի ճիշտ աճին ու զարգացմանը կյանքի առաջին ամիսների ընթացքում։
  • Բացի այդ, մայրական կաթը երեխայի համար վիտամինների ու էներգիայի ամենաանվնաս բնական աղբյուրն է, քանի որ չի պարունակում հավելումներ ու վնասակար տարրեր։ Բացառություն է կազմում միայն մոր մոտ որոշակի հիվանդությունների առկայությունը, որոնց դեպքում կրծքով կերակրելն արգելվում է։
  • Մայրական կաթը սննդի ու հեղուկի լավագույն ու առհասարակ միակ աղբյուրն է երեխայի համար կյանքի առաջին 6 ամսվա ընթացքում։
  • Երեխայի 6 ամսականից մինչև 1 տարեկանը լրանալը այն շարունակում է տալ նրա 
  • օրգանիզմին անհրաժեշտ սննդարար նյութերի առնվազն կեսը, սակայն անգամ երեխայի մեկ տարեկանը լրանալուց հետո շարունակում է համարվել առողջարար։
  • Մայրական կաթը պաշտպանում է երեխաներին ինֆեկցիոն հիվանդություններից, մասնավորապես՝ աղիքային վարակներից, որոնք շատ վտանգավոր են մինչև մեկ տարեկան երեխաների համար։
  • Անգամ վարակիչ հիվանդություններով հիվանդնալու դեպքում այն նպաստում է փոքրիկի արագ ապաքինմանը։
  • Մայրական կաթն ապահովում է երեխայի հետագա ամուր իմունիտետն ու օրգանիզմի բարձր դիմադրողականությունը։
  • Բացի այդ, այն դրական ազդեցություն է ունենում երեխայի ընդհանուր, այդ թվում նաև մտավոր զարգացման վրա։
  • Կրծքով կերակրումը ենթադրում է մոր և մանկան սերտ շփում, ինչն էլ երեխային անվտանգության զգացում է պարգևում։
  • Կրծքով կերակրումը շատ կարևոր է երեխայի համար, սակայն մասնագետները նախազգուշացնում են, որ որոշ դեպքերում այն կարող է հակացուցված լինել մոր մոտ առկա որոշակի հիվանդությունների պատճառով։ Բացի այդ, լինում են դեպքեր, երբ ինչ-ինչ պատճառներով պարզապես չի հաջողվում կարգավորել կրծքով կերակրման ռեժիմը, ուստի մասնագետները խորհուրդ են տալիս պարզապես ընդունել այդ փաստն ու փնտրել կերակրման այլընտրանքային տարբերակներ։


    Նյութի աղբյուրը՝ hronika.info

Share