Ի՞նչ կտա գիրքը ընթերցողին
<<Կանայք>> գիրքը, որ ձեր ձեռքերում է լինելու, տարբերվում է ձեզ ծանոթ գրքերից: Սա արտասովոր գիրք է: Եվ այն ստեղծվել է արտասովոր կանանց համար՝ նրանց համար, ովքեր գիտեն, որ իրենք կարող են տնօրինել, որոշել իրենց ճակատագիրը ...
Կինը ծնում և վերածնում է կյանքը։ Կինը ծնում է նոր մարդկանց, դաստիարակում է նրանց, պատրաստում կյանքին: Կինը կյանքի աղբյուրն է։
- Թվում է՝ կինը հենց ինքը հաջողության հիմքն է։ Ձեզ համար ո՞րն է կայացած ու հաջողակ կնոջ իդեալական կերպարը։
Ինձ համար կայացած և հաջողակ կինը պետք է ունենա և երջանիկ ընտանիք, և կայացած լինի իր ոլորտում:
Ըստ իս կնոջ բնույթը կայանում է շրջակա աշխարհը ներդաշնակելու մեջ, եթե ոչ ամբողջությամբ, ապա գոնե ընտանեկան հարաբերություններում: Կինը պետք է հասկանա, որ ընտանիքի գլուխը տղամարդն է և երբեք չպետք է իր վրա վերցնի իրեն ոչ հատուկ պարտավորություններ: Կինը ծնված է սիրելու և սիրվելու, ամուսնուն և երեխաներին աջակցելու ու ոգեշնչելու, խորհուրդներով օգնելու համար` դրսևորելով իր հարգանքը։ Նա պետք է կանացի և նուրբ լինի՝ որպես ամուր հենարան իր ընտանիքի յուրաքանչյուր անդամի համար:
Ինձ համար երջանկության բանաձևը = այն, ինչ ես ունեմ / այն է, ինչ ուզում եմ ունենալ:
- Ես կին եմ, ով ...
Ես կին եմ, ով ցանկանում է յուրաքանչյուր կնոջ աչքերում տեսնել երջանկության և գոհունակության փայլը: Կինը երջանիկ է, երբ սիրված ու գնահատված է: Ես կին եմ, ով ունի ամեն ինչ՝ լավ ընտանիք, հարազատներ, ընկերներ և մեծ թվով հետևորդներ, ովքեր իմ կողքին լինելով ավելի են ինձ լիարժեքացնում:
Ես կին եմ, ով ունի հավատք առ Աստված, որը ինձ ավելի է ուժ հաղորդում և առաջ մղվելու ցանկություն առաջացնում:
