5 ամենագեղեցիկ հարսանեկան զգեստները կինոյի պատմության մեջ

19/07/2021
Դիտումներ ֊ 245

Կինեմատոգրաֆիայի գոյության ամբողջ ընթացքում ռեժիսորները վերստեղծել են բազմաթիվ հարսանեկան արարողություններ, որոնցով մենք մինչ օրս ոգեշնչվում ենք։ Մեր ընտրանում լավագույն 5-յակում ոչ միայն ամենահուզիչ, այլեւ ամենաոճային կինոհարսերն են։

Ջենտլմենները  նախընտրում են շիկահերներին (1953)


«Ջենտլմենները նախընտրում են շիկահերներին» հայտնի երաժշտական կատակերգության եզրափակիչում երկու արտիստուհիներ, որոնց դերերը կատարում են Ջեյն Ռասելը եւ Մերիլին Մոնրոն, ամուսնանում են նույն հարսանյաց զգեստներով, որոնք հորինել է հոլիվուդյան հայտնի նկարիչ, Մոնրոյի ընկեր Ուիլյամ Թրավիլան: Կրծկալը ժանյակավոր գործվածքից է, կիսաշրջազգեստի երկարությունն արդիական է 1953թ․-ի համար․ չափազանց նուրբ եւ էլեգանտ։ Հարսնացուների կերպարներն ամբողջացնում են սպիտակ գլխարկները։

Ռոմեո + Ջուլիետ (1996)


Ռեժիսոր Բազա Լուրմանի կարիերայի ամենահայտնի ֆիլմը եւ, թերեւս, առավել նորաձեւը: Լուրմանը Շեքսպիրյան սյուժեն տեղափոխել է 90-ականների իրողություն, օգտագործել է կապույտ Ռոմեոյի եւ սպիտակ՝ Ջուլիետայի համար․ սպիտակ խալաթ, հրեշտակի հանդերձանք, սպիտակ շապիկ եւ երկու սպիտակ հարսանեկան զգեստ: Վառ կերպարների եւ դեկորացիաների ֆոնի վրա, գլխավոր հերոսուհու հարսանեկան զգեստը պետք է առանձնանա, այդ իսկ պատճառով Ջուլիետայի զգեստը պարզ է՝ առանց ավելորդ մասերի, մաքուր կարերի օգտագործմամբ:

Միստր եւ միսիս Սմիթ (2005)

Պատմություն այն մասին, որ ամուսնության մեջ միշտ կա անակնկալների եւ սենսացիաների առկայություն: Ֆիլմում հարսանեկան արարողության համար Անջելինա Ջոլին փորձել է Michael Kaplan-ի էլեգանտ եւ հակիրճ հարսանեկան զգեստը: Այս կերպարը հարմար է յուրաքանչյուր աղջկա, ով ցանկանում է պարզ ու շքեղ տեսք ունենալ։

Երիտասարդ Վիկտորյա (2009)

Վիկտորյա թագուհին, որի դերը կատարում է դերասանուհի Էմիլի Բլանտը, արդեն 11 տարեկանում գիտակցել է, որ իրեն հանձնարարված է դառնալ Բրիտանական կայսրության թագուհին: Հերոսուհին մեծ թվով ցնցող հանդերձանքների երջանիկ սեփականատեր է։ Դիզայներ Սենդի Փաուելի հեղինակած Վիկտորյայի հարսանեկան զգեստը կարվել է ամենանուրբ ժանյակավոր գործվածքից եւ զարդարվել է քարերով։

Սպիտակաձյունիկ․ թզուկների վրեժը (2012)

Չար թագուհին, ով երազում է ամուսնանալ գեղեցիկ եւ հարուստ արքայազնի հետ, իհարկե, ընտրում է շքեղ զգեստ: Հարսնացուի հանդերձանքի համար ավելի քան 30 մետր կտոր է պահանջվել, այն կշռում է մոտ 27 կիլոգրամ, իսկ կիսաշրջազգեստի տրամագիծը կազմում է 2,5 մետր: Ջուլիա Ռոբերթսի կատարմամբ թագուհու զգեստը դիզայներ Էյկո Իշիոկի աշխատանքն է:


Աղբյուրը՝ Marieclaire.ru

Share